चास, ता. २६ : शेतकऱ्यांनी तन्त्रशुद्धपणे गायींचे संगोपन करणे गरजेचे आहे. दुग्धव्यवसाय जोडधंदा न राहता परस्पर पूरक व्यवसाय झाला असल्याचे प्रतिपादन खेडचे आमदार बाबाजी काळे यांनी कमान-बारापाटी (ता. खेड) येथील मार्गदर्शन शिबिरात केले.
कमान-बारापाटी येथे ब्रिटानिया संचलित आशीर्वाद दूध संकलन केंद्र, हिंदुस्तान फीड्स व सर नेस वाडिया फाउंडेशन यांच्यावतीने पशू संगोपन व दुग्ध व्यवसाय’ याबाबत मार्गदर्शन झाले. यात हिंदुस्तान फीड्सचे एक्स्टेंशन आणि टेक्निकल सर्व्हिस मॅनेजर डॉ. अशोक झरेकर यांनी मार्गदर्शन करताना दुधाळ गाईंचे आहार व्यवस्थापन, गाभण काळातील संगोपन, जातिवंत कालवडींचे संगोपन, पशुखाद्य, गाई गाभण न राहण्याच्या समस्या, जनावरांमधील आनुवंशिकता, गोठा व्यवस्थापन आदी विषयांवर मार्गदर्शन केले.
ब्रिटानिया डेअरी इंडस्ट्रीजचे डॉ. राकेश कुमार, डॉ. जयदीप राठोड, कृषी विज्ञान केंद्र नारायणगावचे पशुसंवर्धन अधिकारी धनेश पडवळ, पशुधन पर्यवेक्षक डॉ. मंगेश कुंभार, पशुधन विकास अधिकारी डॉ. पूजा बोंबले यांनीही मार्गदर्शन केले. कार्यक्रमाचे नियोजन हिंदुस्तान फीड्सचे मच्छिंद्र महाजन, अक्षय ढवळे, सर नेस वाडिया फाउंडेशनचे प्रणव जगताप, हिंदुस्तान फीड्सचे सुरेश काळे, ब्रिटानिया डेअरीचे अध्यक्ष मारुती नाईकरे उपस्थित होते.