चास, ता. १६ ः चास (ता. खेड) येथील चास विविध कार्यकारी सेवा सहकारी सोसायटीच्या अध्यक्षपदी अशोक मुळूक तर उपाध्यक्षपदी सुनिल निर्मळ यांची बिनविरोध निवड झाली. राजगुरूनगर येथील कृषी उत्पन्न बाजार समितीच्या सभागृहात झालेल्या निवडणूक प्रक्रियेत अध्यक्ष पदासाठी अशोक मुळूक तर उपाध्यक्ष पदासाठी सुनिल निर्मळ या दोघांव्यतिरिक्त अन्य अर्ज न आल्याने निवडणूक निर्णय अधिकारी एस. एस. बगाटे यांनी बिनविरोध निवडीची घोषणा केली. सहाय्यक म्हणून सचिन गोपाळे यांनी काम पाहिले. यावेळी संचालक मंडळातील वैभव राक्षे, अनिल घनवट, शैला घनवट, मच्छिंद्र मुळूक, अरूण बुटे, जगन्नाथ राक्षे, संगिता चव्हाण उपस्थित होते. निवडीनंतर शिवसेना उबाठा गटाचे उपतालुका प्रमुख संजय घनवट, उद्योजक संदिप घनवट, सरपंच विनायक मुळूक, विठ्ठलराव मुळूक, खरेदी विक्री संघाचे संचालक अनिल टोके, अमर मुळूक, जावेद ईनामदार यांनी अध्यक्ष व उपाध्यक्षांचा सत्कार केला.