चास, ता. २० : नवीन वर्षाच्या सुरवातीला सर्वात प्रथम येणारा सण म्हणजे मकरसंक्रांत. या सणाला पुजेसाठी लागणारी मातीची सुगडी बनविण्याच्या कामाला सुरुवात झाली आहे. मोठ्या चाकावर तयार करण्यात येणारी सुगडी आता विजेवर चालणाऱ्या छोट्या चाकावर होत आहेत. त्यामुळे सुगडी बनविण्याचे काम वेगाने होत असल्याचे चास (ता. खेड) येथील कारागीर रामदास कुंभार यांनी सांगीतले.
या बाबत सुगडी बनविणारे कारागीर रामदास कुंभार म्हणाले, ‘‘दिवसेंदिवस महागाई वाढत असून सुगडी बनविण्यासाठी आवश्यक असलेली माती विशिष्ट ठिकाणीच उपलब्ध होत असून ती आणण्यासाठी लागणारा खर्च वाढला आहे. इतर साहित्यांचा खर्च वाढल्याने सुगडीही महाग झाली आहेत.’’