चास, ता. ११ ः बुरसेवाडी (ता. खेड) येथील इचके वस्तीत गुरुवारी (ता. ११) गवतामध्ये बिबट्याचा बछडा आढळून आला आहे. वनविभागाच्या वतीने या बछड्याला नैसर्गिक अधिवासात ठेवण्यात आले असून, जेणेकरून बछड्याची आई त्याला घेऊन जाईल.
येथील स्थानिक ग्रामस्थांना गुरुवारी साधारण एक ते दीड महिन्याचा बिबट्याचा बछडा आढळून आला आहे. त्यांनी तातडीने वनाधिकाऱ्यांना कळवले असता वनविभागाचे वनपरिमंडळ अधिकारी विजयकुमार कदम, वनरक्षक अंकुश गुट्टे, वनमजूर माऊली बुरसे यांनी घटनास्थळी जाऊन संबंधित बछड्याला ताब्यात घेऊन स्थानिक नागरिक गणेश कडाळे, कैलास इचके, भाऊ इचके, भगवान इचके यांच्या मदतीने नैसर्गिक अधिवासात सोडले व तेथील ग्रामस्थांना काळजी घेण्यास सांगितले.

04113