चास, ता. १३ : चास (ता. खेड) ग्रामपंचायतीच्या उपसरपंचपदी सविता अनिल रहाणे यांची बिनविरोध निवड झाली.
सर्वांना पदाची संधी मिळावी, या उद्देशाने चासचे उपसरपंच सुनील वाळुंज यांची आपल्या पदाचा राजीनामा दिल्याने रिक्त झालेल्या उपसरपंचपदाची निवडणूक घेण्यात आली. या निवडणुकीत सविता रहाणे यांचा एकमेव उमेदवारी अर्ज आल्याने अध्यासी अधिकारी सरपंच विनायक मुळूक व ग्रामपंचायत अधिकारी प्राजक्ता डोके यांनी सविता रहाणे यांची उपसरपंचपदी निवड झाल्याचे जाहीर केले. या वेळी पूनम रासकर, राजेंद्र घाटकर, जावेद ईनामदार, संदिप ढमढेरे, आशा टोके, सविता टोके आदी सदस्य उपस्थित होते. याप्रसंगी जिल्हा परिषद सदस्या तनुजा घनवट यांच्या हस्ते सविता रहाणे यांचा सत्कार करण्यात आला. यावेळी माजी सरपंच अनिल टोके, नीलम मुळूक, अविनाश मुळूक, पोलिस पाटील वंदना रासकर, मीना जंगम, कमल घनवट, वैष्णवी चासकर, अनिल रहाणे, रामभाऊ नाईकरे, अतुल रोडे आदी उपस्थित होते.