खोडद, ता.१७ : मांजरवाडी (ता.जुन्नर) येथील सांस्कृतिक हॉलमध्ये रविवारी (ता. १८) सायंकाळी चार वाजता ‘ॲग्रोवन संवाद’ कार्यक्रमाचे आयोजन केले आहे, अशी माहिती डेक्कन व्हॅलीचे अध्यक्ष अजय बेल्हेकर यांनी दिली.
''सकाळ- ॲग्रोवन'' आणि डेक्कन व्हॅली फार्मर्स प्रोड्यूसर कं.लि. यांच्या संयुक्त विद्यमाने ‘शाश्वत केळी उत्पादन आणि निर्यातक्षम लागवड तंत्रज्ञान व विक्री व्यवस्थापन’ या विषयावर या कार्यक्रमासाठी वक्ते म्हणून शाश्वत फार्मिंग फाउंडेशनचे मंगेश भास्कर, नारायणगाव येथील कृषी विज्ञान केंद्राचे वरिष्ठ कृषी उद्यान विशेषज्ञ भरत टेमकर डेक्कन व्हॅली फार्मर प्रोड्यूसर कंपनीचे मुख्य कार्यकारी अधिकारी सुनील वामन, विभागीय कृषी अधिकारी सतीश शिरसाट, कृषी आत्मा विभागाचे सूरज मडके उपस्थित राहणार आहेत. या कार्यक्रमासाठी जास्तीत जास्त शेतकऱ्यांनी उपस्थित राहण्याचे आवाहन करण्यात आले आहे