खोडद, ता.१७ : मांजरवाडी (ता.जुन्नर) येथील केळी, कांदा आणि द्राक्ष उत्पादक शेतकरी आखाती देशांच्या बाजारपेठेचा अभ्यास करण्यासाठी दुबईला रविवारी (ता. १७) रवाना झाले आहेत.
मांजरवाडी येथील कॅटव्हिला फार्मर प्रोडूसर कंपनीच्या वतीने आखाती देशात भाजीपाला व फळ बाजाराचा अभ्यास करण्यासाठी ओमानचे मस्कत व दुबई बाजारपेठेचा अभ्यास करण्यासाठी कॅटव्हिला फार्मर प्रोड्युसर कंपनीचे संचालक रवींद्र थोरात, विनायक मुळे, दीपेश मुळे व पियुष खंडागळे रवाना झाले आहेत.
दुबई बाजार पेठेच्या अभ्यासदौऱ्यासाठी जाणाऱ्या या शेतकऱ्यांचा मांजरवाडी ग्रामस्थांनी मोठ्या उत्साहाने सन्मान करून शुभेच्छा दिल्या. यावेळी कृषी उत्पन्न बाजार समितीचे संचालक माऊली खंडागळे, उद्योजक डी. आर. थोरात, ग्रामविकास मंडळाचे अध्यक्ष अनिल नेहरकर, जगदंबा पतसंस्थेचे अध्यक्ष श्रीपत मुळे, विविध कार्यकारी सोसायटीचे अध्यक्ष सी.डी.मुळे, दिलीप मोरे, संतोष गायकवाड आदी पदाधिकारी व ग्रामस्थ मोठ्या संख्येने यावेळी उपस्थित होते.
केळी, कांदा आणि द्राक्ष यांची दुबई आणि आखाती देशांमध्ये निर्यात करणार असून तेथील बाजारपेठेचा अभ्यास करण्यासाठी जात आहोत.तेथील बाजारपेठेचा अभ्यास केल्यानंतर निर्यातक्षम माल उत्पादनासाठी व हा माल निर्यात करण्यासाठी अधिक मदत होणार आहे, असे कॅट व्हिला फार्मर प्रोडूसर कंपनीचे विनायक मुळे यांनी सांगितले. संचालक दीपेश मुळे यांनी ग्रामस्थांचे आभार मानले.
01514
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.