खोडद, ता. ५ : ‘‘लोकन्यायालयात आपापसांतील वाद तडजोडीने मिटविले गेले पाहिजेत. यामुळे खटल्यासाठी होणारा विलंब टाळता येतो आणि एकमेकांची मने देखील दूषित होत नाहीत. लोकन्यायालय आणि कायदेविषयक शिबिरांचा नागरिकांनी लाभ घ्यावा,’’ असे आवाहन दिवाणी न्यायाधीश ए. एच. एम. हुसेन यांनी केले.
मांजरवाडी (ता. जुन्नर) येथे स्मार्ट व्हिलेज ग्रामपंचायत मांजरवाडी यांच्या वतीने मुख्यमंत्री समृद्ध पंचायतराज अभियानांतर्गत विशेष जनजागृती कार्यक्रम कायदेविषयक शिबिराचे शुक्रवारी (ता. ५) आयोजन केले होते. याप्रसंगी जुन्नर जिल्हा न्यायालयाचे दिवाणी न्यायाधीश (वरिष्ठ स्तर) ए.एच.एम.हुसेन बोलत होते.
यावेळी जुन्नर तालुका वकील बार असोशियनचे अध्यक्ष ॲड. शिवदास तांबे, ॲड. सचिन चव्हाण, ॲड. हेमंत हडवळे, ॲड. जयवंत सोनवणे, ॲड. राजेंद्र कोल्हे, ॲड. शिवम नायकोडी, ॲड. अनिकेत मुळे, कृषी उत्पन्न बाजार समितीचे संचालक माऊली खंडागळे, सरपंच सारिका गायकवाड आदी उपस्थित होते.