खोडद, ता. १४ : शिरोली-बोरी (ता. जुन्नर) येथील जिल्हा परिषद प्राथमिक केंद्र शाळेतील विद्यार्थ्यांना सेवानिवृत्त मुख्याध्यापक रामभाऊ सातपुते यांनी शिष्यवृत्ती परीक्षेबाबत मार्गदर्शन केले.
यावेळी मार्गदर्शन करताना सातपुते म्हणाले, ‘‘शालेय शिक्षणात विद्यार्थी गुणवत्ता वाढवण्यासाठी विद्यार्थ्यांनी दररोज नियमित अभ्यास करावा. घरचा स्वाध्याय व वाचनाचे योग्य नियोजन करून विद्यार्थ्यांनी अभ्यास करावा. विद्यार्थी गुणवत्ता वाढीबरोबर विद्यार्थ्यांच्या आरोग्याकडे शिक्षकांनी पालकांनी आवर्जून लक्ष द्यावे.’’
कार्यक्रमाचे नियोजन मनीषा चौधरी व वैशाली सातपुते यांनी केले. प्रास्ताविक मुख्याध्यापक अंबादास वामन यांनी केले. सूत्रसंचालन एकनाथ तट्टू यांनी केले. तर हमीद पटेल यांनी आभार मानले.