खोडद, ता. २३ : खोडद (ता. जुन्नर) येथील महात्मा फुले विद्यालयात छत्रपती शिवाजी महाराजांची जयंती मोठ्या उत्साहात साजरी करण्यात आली. यावेळी विद्यालयातील विद्यार्थांनी छत्रपती शिवरायांच्या जीवनावर आपले विचार व्यक्त केले, अशी माहिती विद्यालयाच्या मुख्याध्यापिका निशा दळवी यांनी दिली.
यावेळी कार्यक्रमाचे अध्यक्षस्थान विद्यालयाचे ज्येष्ठ शिक्षक जालिंदर झिंजाड यांनी भूषविले. विद्यालयातील विद्यार्थी सोहम थोरात, जान्हवी खरमाळे, हर्षदा थोरात, तसेच इतर विद्यार्थ्यांनी महाराजांविषयी आपले विचार व्यक्त केले. विद्यालयाचे उपशिक्षक शशिकांत विश्वासराव यांनीही महाराजांविषयी आपले विचार व्यक्त केले. यावेळी हर्षदा थोरात, अक्षरा पोखरकर, निशांत वामन यांनी साहसी खेळाचे प्रात्यक्षिक करून दाखविले. सर्व विद्यार्थ्यांचे विद्यालयाच्या मुख्याध्यापिका निशा दळवी यांनी कौतुक केले. सर्व शिक्षक व शिक्षकेतर कर्मचारी याप्रसंगी उपस्थित होते. शिक्षक राजीव कांबळे यांनी सूत्रसंचालन केले. शिक्षक संजय पाटणकर यांनी आभार मानले.

01962