दौंड, ता. १७ : दौंड नगरपालिकेचे माजी नगरसेवक प्रमोद बाळासाहेब देशमुख (वय ४७) यांचे अल्पशा आजाराने निधन झाले. नगरपालिकेच्या सलग तीन पंचवार्षिक निवडणुकांमध्ये निवडून आल्यानंतर त्यांनी विविध समित्यांमध्ये काम पाहिले होते. दौंड तालुका कृषी उत्पन्न बाजार समितीचे नगरपालिका नियुक्त संचालक म्हणूनही त्यांनी काम पाहिले होते. सामाजिक व धार्मिक कार्यामध्ये सहभागी होत त्यांनी तरुणांचे संघटन केले होते. त्यांच्या मागे पत्नी, मुलगा, मुलगी, आई, वडील, भाऊ, असा परिवार आहे.