दौंड, ता. ३ : दौंड तालुक्यातील निवडणुका घोषित झालेल्या अकरा ग्रामपंचायतींपैकी वाटलूज ग्रामपंचायतीची निवडणूक बिनविरोध झाली आहे. ग्रामपंचायतच्या ८८ जागांसाठी एकूण २२३ उमेदवार रिंगणात आहेत.
याबाबत दौंडच्या नायब तहसीलदार ममता भंडारे यांनी माहिती दिली की, तालुक्यातील केडगाव, कुरकुंभ, पारगाव, मलठण, खोपोडी, वाटलूज, पांढरेवाडी, वाखारी, पानवली, वडगाव बांडे व नायगाव या अकरा ग्रामपंचायतींसाठी निवडणूक होणार आहे. त्यापैकी वाटलूज ग्रामपंचायतीच्या निवडणुकीत सरपंचपदासह सर्व सदस्यांची निवड ही बिनविरोध झाली आहे. पानवली ग्रामपंचायतीचे सर्व सदस्य बिनविरोध निवडून आले आहेत. निवडणुका लागलेल्या एकूण ८८ जागांसाठी २२३ उमेदवार रिंगणात आहेत. तर, सरपंचपदासाठी ४७ उमेदवार रिंगणात आहेत. निवडणुकीसाठी एकूण ५० मतदानकेंद्रे निश्चित केली आहेत.