दौंड, ता. १६ : शहरात दररोज पाच ते सहा तास वीजपुरवठा खंडित केला जात असल्याने महावितरणने तातडीने वीजपुरवठा सुरळीत करण्याची मागणी आम आदमी पक्षाने ‘महावितरण’चे दौंड कार्यालयातील सहायक अभियंता सचिन रासकर यांच्याकडे केली आहे.
‘महावितरण’कडून विविध कारणे पुढे करून दौंड शहरात एक तास ते सहा तासापर्यंत वीजपुरवठा खंडित केला जात आहे. त्यामुळे विजेवर अवलंबून असलेले व्यवसाय आणि उद्योग अडचणीत आले आहे. असह्य उकाड्यात वीज नसल्याने नागरिक त्रस्त असून, दुकानदारांच्या व्यवसायावर प्रतिकूल परिणाम झाला आहे. ‘महावितरण’च्या कारभारात सुधारणा न झाल्यास आंदोलन करण्याचा इशारा पक्षाचे संयोजक रवींद्र जाधव यांच्यासह विनायक गवळी, श्‍याम महामुनी, शुभम धेंडे, रूपेंद्र जैन यांनी दिला आहे.