दौंड, ता. ९ : दौंड शहरातील सन्मती अपार्टमेंटच्या खासगी वाहनतळातून एक लाख रुपये मूल्य असलेले दुचाकी वाहनाची चोरी झाली.
याबाबत दौंड पोलिसांनी माहिती दिली की, विनय कुमार उपाध्याय (रा. सन्मती अपार्टमेंट, दौंड) यांनी या प्रकरणी फिर्याद दिली आहे. ३१ मार्च रोजी त्यांची टीव्हीएस कंपनीची रेडर मॅाडेल असलेली दुचाकी वाहनतळातून चोरीस गेल्याचे निदर्शनास आले. दौंड पोलिस ठाण्यात विनय उपाध्याय यांनी दाखल केलेल्या फिर्यादीनुसार अज्ञाताविरूद्ध चोरीचा गुन्हा दाखल केला आहे. चोरीस गेलेल्या दुचाकीचे मूल्य एक लाख रुपये असल्याचे फिर्यादीत नमूद केले आहे.