दौंड, ता. ११ : दौंड शहरात एका अल्पवयीन मुलीचा विनयभंग करून जातिवाचक शिवीगाळ केल्याप्रकरणी एका तरुणाला अटक केली आहे.
याबाबत दौंड पोलिस ठाण्याचे उपनिरीक्षक रूपेश कदम यांनी माहिती दिली की, बाबा चाँद शेख (वय २२, रा. भीमनगर, दौंड) असे अटक केलेल्या तरुणाचे नाव आहे. त्याने ९ एप्रिल रोजी एका अल्पवयीन मुलीचा विनयभंग केला. हा प्रकार पीडित मुलीच्या आईला कळाल्यावर तिने जाब विचारला असता त्याने त्यांना जातिवाचक शिवीगाळ करीत जीवे मारण्याची धमकी दिली, असे फिर्यादीत नमूद केले आहे. पीडितेच्या फिर्यादीनुसार बाबा चाँद शेख याच्याविरुद्ध बालकांवरील लैंगिक अत्याचार प्रतिबंधक कायद्यातील (पॉक्सो) कलम व अनुसूचित जाती- जमाती अत्याचार प्रतिबंधक (अॅट्रोसिटी) कायद्यातील विविध कलमान्वये गुन्हा दाखल केला आहे.