दौंड, ता. १९ : दौंड तालुक्यात ज्वारीची आवक घटली असून, बाजारभावात प्रतवारीनुसार प्रतिक्विंटल तीनशे रुपयांची वाढ झाली आहे. ज्वारीची एकूण ७४ क्विंटल आवक असून, त्यास प्रतवारीनुसार किमान १८०० तर कमाल ३८०० प्रतिक्विंटल असा बाजारभाव मिळाला. मागील आठवड्यात ज्वारीची १०७ क्विंटल आवक झाली होती व त्यास प्रतवारीनुसार किमान २००० तर कमाल ३५०० प्रतिक्विंटल असा बाजारभाव मिळाला होता.
दौंड तालुका कृषी उत्पन्न बाजार समितीच्या दौंड मुख्य बाजारासह केडगाव व पाटस येथील उपबाजारांमध्ये भुसार मालाची आवक व बाजारभाव स्थिर आहे. यवत उपबाजारात भुसार मालाची आवक कमी झाली असून बाजारभाव स्थिर आहे. दौंड मुख्य बाजारात भाजीपाल्याची आवक स्थिर असून बाजारभावात तेजी आहे. केडगाव उपबाजारात कांद्याची आवक वाढली असून एकूण ८१५२ क्विंटल आवक होऊन प्रतवारीनुसार किमान २०० तर कमाल २२०० प्रतिक्विंटल, असा बाजारभाव मिळाला.
दौंड मुख्य बाजारात कोथिंबिरीची ११२६० जुडी आवक होऊन त्यास शेकडा किमान ३०० तर कमाल १५०० जुडी असा बाजारभाव मिळाला. मेथीची १३९० जुडी आवक होऊन त्यास शेकडा किमान १००० तर कमाल २५०० रुपये जुडी असा बाजारभाव मिळाला.

टोमॅटो, काकडी व कोबीच्या दरात वाढ
दौंड मुख्य बाजारात भाजीपाल्याची आवक स्थिर असून बाजारभावात तेजी आहे. टोमॅटोची १४५ क्विंटल आवक होऊन त्यास प्रतिदहा किलोसाठी किमान ०५० तर कमाल ३५० रुपये असा दर मिळाला. काकडीची ६५ क्विंटल आवक होऊन त्यास प्रतिदहा किलोसाठी किमान ०५० तर कमाल ४०० रुपये असा दर मिळाला. कोबीची ४० क्विंटल आवक होऊन त्यास प्रतिदहा किलोसाठी किमान १०० तर कमाल २०० रुपये असा दर मिळाला.