दौंड , ता. १५ : दौंड शहरासह तालुक्याचा काही भाग गूढ आवाजाने हादरला आहे. भीतीपोटी नागरिक घराबाहेर पडले होते. शहरात मंगळवारी (ता. १५) सायंकाळी साडेसात वाजण्याच्या दरम्यान जमिनीतून मोठा गूढ आवाज ऐकू आला. नागरिक तत्क्षणी घराबाहेर पडले. घरांचे पत्रे हादरले. शहरासह तालुक्यातील आलेगाव, खोरवडी, पाटस व कडेठाण सह अन्य गावांमध्ये हा आवाज आला. दौंड शहरापासून २७ किलोमीटर अंतरावर असलेल्या कडेठाण येथे हा गूढ आवाजाचे हादरे बसले. परंतु शहरापासून १० किलोमीटर अंतरावर पण उंचावर असणाऱ्या कुरकुंभ व एमआयडीसी भागात हादरा जाणवला नाही. या आवाजाविषयी संभ्रमावस्था आहे.