दौंड, ता. २६ : दौंड येथे अल्पवयीन मुलीसोबत गैरवर्तन करणाऱ्या मजुराविरोधात गुन्हा दाखल झाला आहे. याबाबत
दौंड पोलिसांनी दिलेल्या माहितीनुसार, हा प्रकार सोमवारी (ता. २१) घडला. गोठ्यात काम करणारा रोशनकुमार ऊर्फ राजा (रा. पानसरे वस्ती, दौंड) असे मजुराचे नाव आहे. पीडितेने आरडाओरडा केल्याने रोशनकुमार याने घटनास्थळावरून पळ काढला. ज्या गोठ्यात तो कामाला होता, त्या गोठा मालकाने परराज्यातील मजुराचे पूर्ण नाव, पत्ता आणि ओळखपत्रे न घेतल्याने त्याचा शोध घेणे अवघड झाले आहे.
दौंड पोलिस ठाण्यात पीडितेच्या फिर्यादीनुसार रोशनकुमार याच्याविरूद्ध बालकांचे लैंगिक अत्याचारापासून संरक्षण कायद्यामधील कलमान्वये गुन्हा दाखल केला आहे. उपनिरीक्षक युवराज घोडके याप्रकरणी पुढील तपास करीत आहे.