दौंड, ता. १ : दौंड तालुक्यात ज्वारीची आवक घटली असून, बाजारभावात प्रतवारीनुसार प्रतिक्विंटल १५० रुपयांची वाढ झाली आहे. ज्वारीची एकूण ८९ क्विंटल आवक झाली आहे. त्यास प्रतवारीनुसार किमान २२०० तर कमाल ३५०० प्रतिक्विंटल असा बाजारभाव मिळाला.
दौंड तालुका कृषी उत्पन्न बाजार समितीच्या दौंड मुख्य बाजारासह केडगाव, पाटस व यवत येथील उपबाजारांमध्ये भुसार मालाची आवक व बाजारभाव स्थिर आहे. दौंड मुख्य बाजारात पालेभाजांची आवक व बाजारभाव स्थिर आहे. केडगाव उपबाजारात कांद्याची आवक घटली असून, एकूण ५०८० क्विंटल आवक होऊन त्यास प्रतवारीनुसार किमान २०० तर कमाल १८०० प्रतिक्विंटल, असा बाजारभाव मिळाला. केडगाव येथे डाळिंबाची एकूण ६२२३ कॅरेट आवक झाली व प्रतवारीनुसार प्रतिकिलो २५ ते १५० रुपये असा भाव मिळाला.

दौंड मुख्य बाजारात कोथिंबिरीची ११४३० जुडी आवक होऊन त्यास शेकडा किमान २०० व कमाल ५०० रुपये जुडी असा बाजारभाव मिळाला. मेथीची ७७७५ जुडी आवक होऊन त्यास शेकडा किमान ३०० तर कमाल १००० रुपये जुडी असा बाजारभाव मिळाला. शेपूची ३५५० जुडी आवक होऊन त्यास शेकडा किमान २०० तर कमाल ५०० रुपये असा बाजारभाव मिळाला.

भेंडी, कार्ली, वांगी व दोडक्याच्या दरात घट
दौंड मुख्य बाजारात भेंडीची ४१ क्विंटल आवक होऊन त्यास प्रतिदहा किलोसाठी किमान १८० तर कमाल ४०० रुपये असा बाजारभाव मिळाला. कार्ल्याची ३० क्विंटल आवक होऊन त्यास प्रतिदहा किलोसाठी किमान १०० तर कमाल ३५० रुपये, असा दर मिळाला. गीची २७ क्विंटल आवक होऊन त्यास प्रतिदहा किलोसाठी किमान १०० तर कमाल ४२१ रूपये, असा बाजारभाव मिळाला.