दौंड, ता. ३१ : पारगाव (ता. दौंड) येथे नुकतीच तालुकास्तरीय आंतरशालेय कुस्ती स्पर्धा पार पडली. त्यामध्ये दौंड शहरातील शेठ ज्योतिप्रसाद विद्यालयातील गणेश जाधव (६८ किलो गट), कृष्णकांत जाधवर व ज्ञानेश्वरी देशमुख (५० किलो गट) यांनी पहिले स्थान पटकाविले आहे. या विद्यार्थ्यांची इंदापूर येथे होणाऱ्या जिल्हास्तरीय स्पर्धेसाठी निवड झाली आहे, अशी माहिती प्राचार्य नवनाथ कदम यांनी दिली. त्यांना क्रीडा शिक्षक संताजी आटोळे व गुरूनाथ कोळी यांचे मार्गदर्शन लाभले.