दौंड , ता. ११ : शहरातील श्रीमती शांताबाई ठोंबरे विद्यालयाची विद्यार्थिनी ध्रुवजा उमेश चिंचवले हिने जिल्हास्तरीय नाट्यछटा स्पर्धेत तिसरा क्रमांक संपादित केला आहे. निगडी येथील ज्ञानप्रबोधिनी विद्यालयात पार पडलेल्या स्पर्धेत ध्रुवजा हिने सादर केलेल्या ‘हल्ली आज्जीच हरवलीय’ या विषयावरील नाट्यछटेला तृतीय क्रमांक मिळाला. बालरंगभूमी परिषदेचे उपाध्यक्ष अरुण पटवर्धन, जिल्हाध्यक्षा दीपाली शेळके, अभिनेते डॉ. संजीवकुमार पाटील आदींच्या हस्ते ध्रुवजा हिचे प्रमाणपत्र व पदक देऊन गौरव करण्यात आला.