दौंड : दौंड नगर पालिका निवडणुकीसाठी उमेदवारी अर्ज दाखल करण्याच्या सातव्या दिवशी २९ उमेदवारी अर्ज दाखल झाले आहेत. निवडणूक कामासाठी रविवारची साप्ताहिक सुट्टी रद्द करून नगर पालिका व निवडणूक निर्णय अधिकारी कार्यालय सुरू राहिल्याने त्याचा इच्छुकांनी लाभ घेत अर्ज दाखल केले. निवडणूक निर्णय अधिकारी नीलप्रसाद चव्हाण यांनी रविवारी (ता. १६) याबाबत माहिती दिली. सदस्यपदाकरिता रविवारी (ता. २७) उमेदवारी अर्ज ऑनलाइन पद्धतीने तर १ अर्ज ऑफलाइन पद्धतीने दाखल झाले. तर जनतेतून थेट निवडून द्यावयाच्या नगराध्यक्षपदाकरिता एक उमेदवारी अर्ज दाखल झाला आहे. उमेदवारी अर्ज दाखल करण्याचा सोमवारी (ता. १७) अंतिम दिवस असून दौंड नगरपालिका टाऊन हॅालमधील कार्यालयात दुपारी ३ वाजेपर्यंत उमेदवारी अर्ज स्वीकारले जाणार आहेत.