दौंड, ता. २७ : वाळूचोरी रोखणाऱ्या तलाठ्यावर प्राणघातक हल्ला करून जीवे मारण्याचा प्रयत्न करणाऱ्या स्वामी चिंचोलीच्या माजी सरपंचासह त्याच्या साथीदाराला पोलिसांनी तब्बल साडेनऊ वर्षांनंतर अटक केली. शुक्रवारी (ता. २७) न्यायालयाने त्यांना तीन दिवसांची पोलिस कोठडी सुनावली.
पुणे-सोलापूर महामार्गावर १० ऑगस्ट २०१६ला तत्कालीन तलाठी शशिकांत सोनवणे वाळूचोरीवर कारवाई करत होते. त्यावेळी आरोपींनी सोनवणे यांना ट्रकमधून ओढून बेदम मारहाण केली होती. त्यांना ट्रकच्या चाकाखाली टाकून जीवे मारण्याचा प्रयत्न करत जातीवाचक शिवीगाळ केल्याचा आरोप आहे. याप्रकरणी दौंड पोलिस ठाण्यात खुनाचा प्रयत्न, शासकीय कामात अडथळा आणि ''ॲट्रॉसिटी'' कायद्यानुसार गुन्हा दाखल होता. मात्र, दीर्घकाळ ही कारवाई प्रलंबित होती.