डोर्लेवाडी, ता. २५ : पुणे व सातारा जिल्हा श्रमिक संघ संलग्न महाराष्ट्र राज्य ग्रामपंचायत कर्मचारी संघटनेच्या बारामती तालुका अध्यक्षपदी पिंटू सावंत व उपाध्यक्षपदी अमित भापकर यांची बिनविरोध निवड झाली. ग्रामपंचायत कर्मचारी संघटनेची नवीन कार्यकारिणी निवड सभा कॉम्रेड ज्ञानोबा घोणे यांच्या अध्यक्षतेखाली बारामती येथे नुकतीच पार पडली. संघटनेच्या कार्याध्यक्षपदी अभिजित गवळी, सरचिटणीसपदी गणेश मोरे, सहसरचिटणीसपदी संजय दुबळे, कोषाध्यक्षपदी भोलेनाथ खोमणे,प्रसिद्धी प्रमुखपदी मयूर शेडगे, ज्येष्ठ सल्लागारपदी नारायण काशीद, कमलताई जगताप, छगन लांडगे, संघटकपदी विशाल जराड, रेश्मा घणवट, नंदा जराड, अविनाश काळे, प्रशांत मुकुंद यांची सर्वानुमते निवड करण्यात आली. यावेळी बारामती तालुका ग्रामपंचायत कर्मचारी संघटनेचे माजी अध्यक्ष व पुणे जिल्हा ग्रामपंचायत कर्मचारी संघटनेचे ज्येष्ठ सल्लागार शहाबुद्दीन तांबोळी, सरचिटणीस कुंडलिक कुचेकर, प्रसिद्धी प्रमुख राहुल तावरे, महिला प्रतिनिधी वृषाली शांताराम यादव आदी उपस्थित होते.