देऊळगाव राजे, ता.११ : दौंड तालुक्यात २०२५ या खरीप हंगामामध्ये शेतकऱ्यांनी सर्वाधिक बाजरीची ३५६४ व्हेक्टरमध्ये पेरणी केली आहे. याचबरोबर मकाची २२०८ व्हेक्टरमध्ये पेरणी झाली आहे. भाताची सुध्दा ४२ व्हेक्टरमध्ये पेरणी झालेली आहे. चालूवर्षी मे महिन्यात मोठा पाऊस झाल्याने खरिपाच्या पिकात घट होऊन ऊस लागवडीत वाढ होत आहे.
दौंड तालुक्यात मे व जून महिन्यात सर्वाधिक ३२५ मिलिमिटर पाऊस झाला. टप्पाटप्याने झालेल्या जोरदार पावसामुळे विहिरी, तलाव भरून ओढे, नाले पाण्याने वाहत आहेत. जादा झालेल्या पावसामुळे वेळेत शेतांना वाफसा न आल्याने अनेक शेतकऱ्यांना खरीप हंगामातील पिके वेळेवर घेता आलेली नाहीत. यामुळे कपाशीच्या लागवडीत मोठी घट झाली आहे. सध्या मका, उडीद यांची पेरणी चालू आहे. तसेच तालुक्यात इंद्रायणी तांदळाच्या पेरणी क्षेत्रातही वाढ होताना दिसत आहे. एकंदरीत जादा पावसामुळे खरीपाच्या लागवडीत घट झाल्याचे चित्र तालुक्यात पहावयास मिळत आहे. तर दुसरीकडे पाऊस झाल्यामुळे वाफशानंतर शेतकऱ्यांनी आडसाली उसाच्या लागवडी सुरू केल्या आहेत. लागवडींना सध्या वेग आला आहे. यामुळे चालुवर्षी तालुक्यात उसाच्या लागवडीत वाढ होणार आहे. आतापर्यंत तालुक्यात ४५७४ व्हेक्टरमध्ये आडसाली उसाची लागवड झाली आहे. दरम्यान तालुक्यात डिसेंबर अखेरपर्यंत लागवडी होणार आहे.

दौंड तालुक्यात खरीप हंगामातील पिकांची झालेली पेरणी :
पिकांचे नाव लागवड क्षेत्र (व्हेक्टर)
बाजरी ३५६४
मका २२०४
भात ४२
कपाशी ६४०
उडीद १८३
सोयाबीन १०७
तूर १३६
मुग ११४
सूर्यफूलल ३१

चालूवर्षी मे महिन्यातच भरपूर पाऊस झाला. शेतांना वाफशाअभावी खरिपातील पिकांची लागवड करता आली नाही. चांगल्या झालेल्या पावसामुळे शेतामध्ये उसाची लागवड केली आहे.
- युवराज माने, शेतकरी वडगाव दरेकर, (ता.दौंड)

00600