देऊळगाव राजे, ता.१६ : दौंड तालुक्याच्या पूर्व भागामध्ये शनिवारी व रविवारी परतीचा ८५ मिलिमीटर पाऊस पडला. यामुळे काढणीस आलेल्या उडीद, सोयाबीन, कांदा, बाजरी, मका आदी पिकांना फटका बसला आहे.
तालुक्यात सातत्याने पडत असलेल्या पावसामुळे शेतकऱ्यांच्या चिंतेचे वाढ झाली आहे. तालुक्यात मे व जून महिन्यांत ३२५ मिलिमीटर पाऊस पडला आहे. त्यातच सातत्याने पंधरा ते वीस दिवसाला पाऊस पडत आहे. शनिवारी रात्री देऊळगाव राजे, बोरीबेल, मलठण, राजेगाव, खानवटे, आलेगाव, वडगाव दरेकर, पेडगाव, हिंगणीबेर्डी, शिरापूर, काळेवाडी, लोणारवाडी, वाटलुज, नायगाव या गावामध्ये ५० मिलिमीटर पाऊस झाला तर रविवारी रात्री देऊळगाव राजे व परिसरातील गावामध्ये ३५ मिलिमीटर पाऊस झाला.
पावसामुळे शेतामध्ये पाणी साचले असून ओढे, नाले व बंधाऱ्यातून पाणी वाहत आहे. विहिरी तुडुंब भरल्या आहेत. कूपनलिकेच्या पाणीपातळीत मोठी वाढ झाली आहे.
सलगच्या दोन पडणाऱ्या पावसामुळे काढणीस आलेल्या तर काही लहान उसाच्या लागवडी वाया जाणार आहेत. तसेच कपाशीलाही काही प्रमाणात फटका बसण्याची शक्यता आहे. मात्र, वाढ झालेल्या ऊस पिकास पाऊस उपयुक्त ठरणार आहे.
- रमेश जाधव, प्रगतशील शेतकरी, राजेगाव (ता. दौंड)
00645
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.