देऊळगाव राजे, ता. २२ : आलेगाव कदमवस्ती ( ता.दौंड) येथील महादेव कदम यांच्या उसाच्या शेतात शुक्रवारी (ता.२१) सांयकाळी बिबट्या वावरताना आढळून आला. यामुळे तातडीने परिसरात पिंजरा लावण्याची मागणी येथील ग्रामस्थांनी केली आहे.
दौंड शुगर कारखान्यापासून जवळच कदमवस्ती परिसर आहे. नितीन म्हेत्रे हे शुक्रवारी (ता.२१) ट्रॅक्टरने शेतामध्ये नांगरट करत होते. यावेळी शेजारील कदम यांच्या उसाच्या शेतातून इतरत्र बिबट्या जाताना ट्रॅक्टरच्या प्रकाशामुळे दिसला. त्यांनी बिबट्याची छायाचित्रे काढली आहेत.
दरम्यान, बिबट्याचा वावर दिसल्याने परिसरातील ग्रामस्थांत खळबळ उडाली आहे. सध्या परिसरात ऊस तोडणी सुरू आहे. तसेच परिसरात शेतकऱ्यांच्या जनावरांचे गोठेही आहेत. त्यामुळे दौड वनविभागाच्या अधिकाऱ्यांनी पाहणी करून बिबट्याला जेरबंद करण्यासाठी ठिकठिकाणी पिंजरे लावावेत अशी मागणी होत आहे.
दरम्यान, बिबट्या आढळून आलेल्या परिसराची वनविभागाच्या अधिकारी व कर्मचाऱ्यांनी तातडीने पाहणी करावी. ठिकठिकाणी पिंजरा लावणे गरजेचे आहे, असे मत आलेगावचे सरपंच हंबीर धुमाळ यांनी केली आहे.
00711
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.