दावडी, ता. १३ ः दावडी (ता.खेड) येथील रयत शिक्षण संस्थेच्या श्रीमंत महाराजा फत्तेसिंहराव गायकवाड विद्यालयाच्या विद्यार्थ्यांनी शासकीय चित्रकला ग्रेड परीक्षेत बाजी मारली. इंटरमिजिएट ग्रेड परीक्षेत विद्यालयाचा निकाल ९७.९१ टक्के लागला असून ४८ पैकी ४७ विद्यार्थी उत्तीर्ण झाले. यामध्ये ‘ब’ श्रेणीत ३ तर ‘क’ श्रेणीत ४४ विद्यार्थ्यांनी यश मिळवले. तर, एलिमेंटरी ग्रेड परीक्षेचा निकाल ९३.१५ टक्के लागला असून ७४ विद्यार्थ्यांपैकी ६८ विद्यार्थी उत्तीर्ण झाले. यामध्ये ‘अ’ श्रेणीत ७, ‘ब’ श्रेणीत १२ तर ‘क’ श्रेणीत ४९ विद्यार्थी उत्तीर्ण झाले. या यशामागे कलाशिक्षिका सरस्वती बनसोडे यांचे मार्गदर्शन मोलाचे ठरले. प्राचार्या रत्नप्रभा शितोळे, पर्यवेक्षक तुकाराम गायकवाड, स्थानिक शाळा समितीचे सदस्य, दावडीचे सरपंच, उपसरपंच व ग्रामस्थांनी या यशाबद्दल विद्यार्थ्यांचे अभिनंदन केले.