दावडी, ता. ७ : श्री क्षेत्र निमगाव खंडोबा (ता. खेड) येथे राजमुद्रा ग्रुपच्या वतीने तिथीनुसार भव्य शिवजयंती उत्सवाचे आयोजन केले होते. यंदा या शिवजयंती उत्सवाचे २०वे वर्ष असल्याने ग्रामस्थांमध्ये विशेष उत्साह पाहायला मिळाला.
गावामध्ये शुक्रवारी (ता. ६) सकाळी ८.३० वाजता शिवज्योतीचे आगमन झाले. त्यानंतर महाशिवआरती करण्यात आली. रात्री ८.३० वाजता भव्य मिरवणुकीचे आयोजन केले होते. मिरवणुकीमध्ये शिवभक्तांनी मोठ्या संख्येने सहभाग घेतला होता. त्यानंतर रात्री ९.३० वाजता महिलांसाठी ‘होम मिनिस्टर’ या मनोरंजनात्मक कार्यक्रमाचे आयोजन केले होते. यावेळी विजेत्यांना आकर्षक भेट वस्तू व मानाच्या पैठणी देण्यात आल्या. या कार्यक्रमाला महिलांनी उत्स्फूर्त प्रतिसाद दिला. कार्यक्रमाचे आयोजन राजमुद्रा ग्रुपच्या वतीने करण्यात आले होते. कार्यक्रमाच्या शेवटी उपस्थित सर्वांसाठी नाष्ट्याची व्यवस्था केली होती.

00176