घोडेगाव, ता. १६ : आंबेगाव तालुक्यातील ३० ग्रामपंचायतींच्या सार्वत्रिक निवडणुकींचा कार्यक्रम जाहीर झाला आहे. प्रभागनिहाय आरक्षण सोडती काढण्याबाबतचे निवडणूक आयोगाने निर्देश दिले आहेत. या सर्व ग्रामपंचायतींच्या विशेष ग्रामसभांचे आयोजन करून आरक्षण सोडत काढण्यात येणार असल्याची माहिती तहसीलदार संजय नागटिळक यांनी दिली.
आंबेगाव तालुक्यातील लोणी, फलोदे, कुशिरे बुद्रुक, कोलतावडे, कानसे, गोहे बुद्रुक, तळेकरवाडी, चांडोली खुर्द, अवसरी बुद्रुक, निरगुडसर, पहाडदरा, पारगांव तर्फे अवसरी बुद्रुक, जारकरवाडी, चास, ठाकरवाडी, वाळुंजनगर, पाटण, टाव्हेरवाडी, चपटेवाडी, सुपेधर, फुलवडे, डिंभे बुद्रुक, टाकेवाडी, तांबडेमळा, पिंपरगणे, म्हाळुंगे तर्फे घोडा, मांदळेवाडी, नांदुर, बोरघर, जाधववाडी या ३० ग्रामपंचायतींच्या प्रभागनिहाय सोडती काढण्यासाठी विशेष ग्रामसभा घेतल्या जाणार आहेत अशी माहिती निवडणूक विभागाचे नायब तहसीलदार डॉ. सचिन वाघ यांनी दिली.

असा आहे निवडणूक कार्यक्रम
१) २१ जूनला प्रभागनिहाय आरक्षण सोडत काढणे
२) २३ जूनला आरक्षण प्रारूप अधिसूचनेला जिल्हाधिकाऱ्यांची मान्यता
३) २६ जून रोजी प्रभागनिहाय आरक्षण प्रसिद्ध करणे
४) हरकती व सूचना दाखल करण्याची मुदत २७ जून ते ३ जुलैपर्यंत
५) प्रांताधिकारी यांचा अभिप्राय ७ जुलैअखेर
६) १४ जुलैला जिल्हाधिकारी अंतिम प्रभागनिहाय आरक्षण प्रसिद्ध करणार