घोडेगाव : घोडेगाव (ता आंबेगाव) येथील श्री हरिश्चंद्र महादेव यात्रा उत्सव आजपासून सुरू झाला आहे. सकाळी अभिषेक झाल्यानंतर नागरिकांनी दर्शनासाठी गर्दी केली होती. संत तुकाराम महाराजांनी श्रावणी तिसऱ्या सोमवारी यात्रा उत्सवाची परंपरा सुरू केली आहे, असे देवस्थान अध्यक्ष प्रशांत काळे यांनी सांगितले.

येणाऱ्या भक्त, भाविकांना चांगल्या सुविधा मिळाव्यात, यासाठी देवस्थान विश्वस्त, घोडेगाव, पंचक्रोशीतील ग्रामस्थ प्रयत्न करत असल्याचे देवस्थान अध्यक्ष प्रशांत काळे व विश्वस्त राजेश काळे यांनी सांगितले.

सायंकाळी मानाचा हाराची विधीवत पारंपारिक वाद्यात मिरवणूक काढण्यात काढली. उद्या कुस्त्यांचा आखाडा होणार आहे. खेळण्याची दुकाने व खाण्याची दुकाने घोडेगावात सजली आहे.