घोडेगाव, ता. : घोडेगाव (ता. आंबेगाव) बाजारपेठेत गव्हाणी जातीचे घुबड चक्कर येऊन पडले होते. पक्षी निरीक्षक नीलेश चिलेकर व सागर कर्पे यांनी त्याला जीवदान दिले. त्याला वनविभाग कर्मचाऱ्यांच्या ताब्यात दिले.
घोडेगाव येथील पक्षी निरीक्षक चिलेकर व कर्पे म्हणाले की, गव्हाणी घुबड पक्षी साधारणपणे ३६ सेंटीमीटर आकाराचा आहे. पाठीकडून सोनरी बदामी आणि राखाडी रंगाचा असतो. त्यावर काळ्या-पांढऱ्या रंगाचे पट्टे असलेला व पोटाकडे मुख्यत्वे रेशमी पांढरा रंग त्यावर बदामी रंगाची झाक आणि गडद तपकिरी रंगाचे ठिपके असतात. नर-मादी दिसायला सारखेच असतात.
रात्रीचा संचार असणाऱ्या घुबड पक्षाने घोडेगाव बाजारपेठेतील एखाद्या इमारतीच्या कोनाड्यात रात्रीच्या वेळी येऊन बसले. तेथून ते खाली पडले असावे, असा प्राथमिक अंदाज आहे, असे दक्ष नागरिक संदेश चिलेकर यांनी वनविभाग कर्मचारी व पक्षी निरीक्षक यांना दिली. घुबड त्याच्या अधिवासात सोडणार असल्याचे वनरक्षक संजय गायकवाड यांनी सांगितले.

03632