घोडेगाव, ता. ११ : घोडेगाव (ता. आंबेगाव) येथील न्यू इंग्लिश मीडियम स्कूल येथील पाचवीच्या मृण्मयी भुजबळ या विद्यार्थिनीने
शिष्यवृत्ती परीक्षेच्या राज्य गुणवत्ता यादीत सातवे तर जिल्ह्यात आठवे स्थान मिळवले आहे. तर आठवीच्या स्वर्णिमा डोंगरे या विद्यार्थिनीने राज्य गुणवत्ता यादीत १७ वे व जिल्ह्यात २७ वे स्थान प्राप्त केले आहे.
शिष्यवृत्ती परीक्षेची गुणवत्ता यादी नुकतीच जाहीर झाली असून राज्य व जिल्हा गुणवत्ता यादीत इंग्लिश मीडियम स्कूलच्या एकूण १३ विद्यार्थ्यांनी स्थान मिळवले आहे. पूर्व माध्यमिक शिष्यवृत्ती परीक्षेत आठवीमध्ये एकूण ९ विद्यार्थी जिल्हा गुणवत्ता यादीमध्ये झळकले आहेत. त्यामध्ये ऋग्वेद बोऱ्हाडे, अनुष्का लांगी, शुभम घोरपडे, अस्मि राऊत, प्रेम वंजारी, ईशान पिंगळे, यशवंत गेजगे, श्रावणी हुले, शार्दूल बोऱ्हाडे या विद्यार्थ्यांनी उत्तम कामगिरी केली. तसेच पूर्व प्राथमिक शिष्यवृत्ती परीक्षेत एकूण दोन विद्यार्थ्यांनी जिल्हा गुणवत्ता यादीत स्थान मिळवले आहे. त्यामध्ये दूर्वा रासकर, ओवी गाडे या विद्यार्थ्यांचा समावेश आहे.
या विद्यार्थ्यांना प्राचार्या मेरी फ्लोरा डिसूझा, उपप्राचार्या रेखा आवारी, शिक्षिका सोनीका नायकोडी, प्रज्ञा घोडेकर, सुप्रिया मंडलिक, सुषमा फलके, मनीषा भास्कर, संतान आसंगी, स्मिता पवळे, चेतन पोखरकर यांनी मार्गदर्शन केले. विद्यार्थ्यांच्या या उत्तुंग यशाबद्दल आंबेगाव तालुका विद्या विकास मंडळाचे अध्यक्ष, सचिव व संचालक मंडळ यांनी अभिनंदन केले आहे.