घोडेगाव, ता. ११ : आंबेगाव तालुक्यातील १०३ ग्रामपंचायतींपैकी ६७ ग्रामपंचायतींच्या सरपंचपदाच्या आरक्षणाची सोडत शुक्रवारी (ता. ११) घोडेगाव (ता. आंबेगाव) येथील पंचायत समिती कार्यालयामध्ये काढण्यात आली. यात अनुसूचित जाती व जमाती प्रवर्गातील २३ एप्रिल रोजी काढण्यात आलेले ३६ ग्रामपंचायतींचे आरक्षण कायम राहिले. तर, सर्वसाधारण आणि नागरिकांचा मागास प्रवर्ग गटातील पूर्वीच्या आरक्षणात बदल झाला आहे. त्यामुळे नवीन लोकांना संधी मिळणार आहे.
अनुसूचित जाती, अनुसूचित जमाती, नागरिकांचा मागास प्रवर्ग व स्त्रियांसाठी आरक्षित करण्यासाठी आंबेगाव तालुक्यातील सन २०२५ ते २०३० या कालावधीतील बिगर अनुसूचित क्षेत्रातील ६७ ग्रामपंचायतींच्या सार्वत्रिक निवडणुकांच्या सरपंचपदाकरीता आरक्षण सोडत शुक्रवारी तहसीलदार संजय नागटिळक यांच्या अध्यक्षतेखाली झाली. यावेळी गटविकास अधिकारी अर्चना कोल्हे, नायब तहसीलदार शांताराम किर्वे, मंडलाधिकारी व्यंकटेश भोसले, स्मिता जोषी, जयश्री भवारी, किशोर हुल्लारे, संदीप मसकर, तुषार एरंडे आदी उपस्थित होते. शालेय विद्यार्थ्यांच्या हस्ते चिठ्ठयांचे आरक्षण काढण्यात आले.

जाहीर करण्यात आलेले आरक्षण पुढील प्रमाणे
अनुसूचित जाती स्त्री- नांदूर, लौकी.
अनुसूचित जाती- आंबेगाव गावठाण.
अनुसूचित जमाती स्त्री- वाळुंजवाडी, वळती, भावडी.
अनुसूचित जमाती- रांजणी, पारगाव तर्फे अवसरी बुद्रुक.
नागरिकांचा मागासवर्ग प्रवर्ग स्त्री- धामणी, तांबडेमळा, जाधववाडी, काठापूर बुद्रुक चांडोली बुद्रुक , कोळवाडी - कोटमदरा, मेंगडेवाडी, लोणी, निरगुडसर.
नागरिकांचा मागासवर्ग प्रवर्ग- लाखणगाव, टाकेवाडी, काळेवाडी - दरेकरवाडी, म्हाळुंगे पडवळ, घोडेगाव, एकलहरे, अवसरी बुद्रुक , ठाकरवाडी, शिरदाळे.
सर्वसाधारण स्त्री- पहाडदरा, लांडेवाडी- पिंगळवाडी, कोलदरा- गोनवडी, तळेकरवाडी, निघोटवाडी, नागापूर, भागडी, खडकी, वडगाव काशिंबेग, पेठ, चांडोली खुर्द, शिंगवे, शेवाळवाडी, भराडी, अवसरी खुर्द, गावडेवाडी, पिंपळगाव तर्फे म्हाळुंगे, साकोरे, रानमळा, थोरांदळे, पारगावतर्फे खेड.
सर्वसाधारण- पोंदेवाडी, देवगाव, कुरवंडी, वडगावपीर, विठ्ठलवाडी, वाळुंजनगर, टाव्हरेवाडी, कळंब, धोंडमाळ- शिंदेवाडी, जवळे, चिंचोडी, चास, नारोडी, थुगाव, जारकरवाडी, गिरवली, चिंचोली, मांदळेवाडी, खडकवाडी, कारेगाव.