घोडेगाव, ता. १० : घोडेगाव (ता. आंबेगाव) येथील बी. डी. काळे महाविद्यालयात राष्ट्रीय सेवा योजना विभाग व विज्ञान विभाग यांच्यावतीने ‘मानव - बिबट सहजीवन’ या विषयी व्याख्यानाचे आयोजन केले होते. यावेळी माणिकढोह बिबट निवारा केंद्राचे डॉ. महेंद्र ढोरे विद्यार्थ्यांना बिबट्याची जीवनशैली, स्वभाव, सवयी आणि त्याचे वास्तव्य याबद्दल मार्गदर्शन केले.
तसेच, घोडेगाव वनपरिक्षेत्राचे वनपरिक्षेत्र अधिकारी कुणाल लिमकर, मानद वन्यजीव रक्षक धनंजय कोकणे यांनी देखील माहिती दिली. याप्रसंगी आकाश डोळस, वैभव नेहरकर, संजय गायकवाड, डॉ. पुरुषोत्तम काळे, वाणिज्य विभाग समन्वयक प्रा. सूर्यकांत कदम, प्रा. रेश्मा शिंदे, प्रा. रेखा कडाळे, प्रा. अनिकेत खरात आदी उपस्थित होते.