घोडेगाव, ता. २५ : आमोंडी (ता. आंबेगाव) येथील जिल्हा परिषद प्राथमिक शाळेतील १४४ विद्यार्थ्यांना हिंदुस्तान फीड्सच्या सीएसआर निधीतून डब्बा पिशवी व जेवणाच्या डब्यांचे वाटप करण्यात आले. श्री स्वामी समर्थ दूध संकलन केंद्राच्या पुढाकारातून हा उपक्रम राबविण्यात आला.
या कार्यक्रमाला जिल्हा परिषद सदस्या शीलाताई लोहकरे, उपसरपंच धनंजय फलके, सामाजिक कार्यकर्त्या कमल दरेकर, श्रद्धा फलके, ज्ञानेश्वर काथेर, मच्छिंद्र महाजन, किरण नरवडे उपस्थित होते. मुख्याध्यापिका वैशाली भोंडवे, सुनील पाटील, आशा पाटील, अलका उंडे, विजय पवार यांनी नियोजनात सहभाग घेतला. संजय फलके यांनी प्रास्ताविक केले, सुनील पाटील यांनी सूत्रसंचालन केले, तर अलका उंडे यांनी आभार मानले.

04852