घोडेगाव, ता. १८ : मंचर-भीमाशंकर रस्त्यावरील शिंदेवाडीजवळ कार आणि रिक्षा यांच्यात झालेल्या भीषण अपघातात रिक्षाचालक किशोर रामचंद्र नवले (वय ५४, रा. पिंपळगाव घोडे) यांचा जागीच मृत्यू झाला. याप्रकरणी घोडेगाव पोलिसांनी कारचालक शंकर गेनू शेलार याला अटक केली आहे.
पोलिसांनी दिलेल्या माहितीनुसार, १७ मे रोजी घोडेगावकडून भीमाशंकरकडे जाणाऱ्या कारने (MH १४ JX ५००२) समोरून येणाऱ्या रिक्षाला (MH १७ AJ १२८२) जोरदार धडक दिली. ही धडक इतकी भीषण होती की रिक्षाचा पुढचा भाग पूर्णपणे चक्काचूर झाला. यानंतर कारने एका इर्टिगा गाडीलाही (MH १४ JR १८७३) धडक दिली. या अपघातात अन्य दोन जण जखमी झाले आहेत. किशोर बबन पारधी यांनी दिलेल्या फिर्यादीवरून पोलिसांनी आरोपी चालक शंकर शेलार (रा. भोसरी) याला ताब्यात घेतले आहे. पुढील तपास घोडेगाव पोलिस करत आहेत.