गुळुंचे, ता. ८ ः नीरा (ता. पुरंदर) येथे पैगंबर जयंती मोठ्या उत्साहात साजरी करण्यात आली. इस्लाम धर्माचे संस्थापक हजरत मोहम्मद पैगंबर यांच्या १५००व्या जयंतीनिमित्त येथील स्टेशन मस्जिदच्यावतीने रविवारी (ता. ७) भव्य मिरवणूक काढण्यात आली.
दरवर्षीप्रमाणे स्टेशन मस्जिदपासून बाबासाहेब आंबेडकर चौकातून बुवासाहेब चौक, अहिल्यादेवी चौकातून शिवाजी चौकमार्गे मस्जिदपर्यंत अशी हजरत मोहम्मद पैगंबर यांच्या दर्गाहच्या ‘गुंबद- ए- खिजरा’च्या प्रतिकृतीची मिरवणूक काढण्यात आली. स्टेशन मस्जिदमध्ये महाप्रसादाचे आयोजन केले होते. महाप्रसादाने कार्यक्रमाची सांगता झाली.
यावेळी सरपंच तेजश्री काकडे, उपसरपंच राजेश काकडे, दत्तात्रेय चव्हाण, विराज काकडे, अनिल चव्हाण, सुनील चव्हाण, अभिषेक भालेराव, सामाजिक कार्यकर्ते बाळासाहेब ननवरे, समर्थ पतसंस्थेचे अध्यक्ष राजेश चव्हाण, स्वप्नील कांबळे आदींनी मुस्लिम बांधवांना शुभेच्छा दिल्या.
मिरवणुकीतील बालचमूंना उपसरपंच राजेश काकडे, अनिल चव्हाण, राजेश चव्हाण, तसेच मुस्लिम समाजातील युवकांच्या वतीने सरबत, तसेच खाऊ वाटप करण्यात आला.
पैगंबर जयंतीसाठी सिकंदर शेख, मन्सूर सय्यद, समीर शेख, हाशीम सय्यद, रियाज सय्यद, जावेद हुसेन शेख, नदीम सय्यद, जावेद शेख, रईस शेख यांच्यासह मुस्लिम समाजातील बहुसंख्य तरुण कार्यकर्त्यांनी‌ परिश्रम घेतले. यावेळी जलील काझी, अल्ताफ सय्यद, फिरोज सय्यद, चॉंदभाई पठाण, हसनभाई कुरेशी, मुबारक सय्यद, मोहम्मद गौस आतार, सलीम शेख, मुन्ना डांगे, शकूर सय्यद यांच्यासह शेकडो मुस्लिम बांधव उपस्थित होते.

02039