गराडे, ता. ११ : दिवे (ता. पुरंदर) गावच्या सरपंचपदी रूपेश राऊत यांची बिनविरोध करण्यात आली आहे. शोभा झेंडे यांनी आपल्या पदाचा राजीनामा दिल्याने निवडणूक घेण्यात आली होती. सरपंचपदासाठी राऊत यांचा एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी तथा मंडलाधिकारी सुहास कांबळे यांनी जाहीर केले.
सहाय्यक निवडणूक निर्णय अधिकारी म्हणून रश्मी सांगळे व तलाठी भाऊसाहेब सुतार यांनी काम पाहिले. निवडीनंतर भाजप युवानेते बाबाराजे जाधवराव यांच्या हस्ते राऊत यांचा सत्कार करण्यात आला. यावेळी योगेश काळे, गुलाब झेंडे, अमित झेंडे, उपसरपंच सुमन टिळेकर, ग्रामपंचायत सदस्य राजाराम झेंडे, भारती आढाळगे, श्रद्धा काळे, सुजाता जगदाळे, शोभा लडकत, शोभा टिळेकर, नीलेश जाधवराव, राजलक्ष्मी पवार, सुभाष पवार, मनोज क्षीरसागर, विशाल पवार, राजेंद्र लांडगे, माजी जिल्हा परिषद सदस्य संगीता काळे, साधना सहकारी बँकेचे व्यवस्थापक राजेंद्र काळे, बाळासाहेब काळे, गणपत शितकल, माजी सरपंच बापूसाहेब राऊत, बापूसाहेब टिळेकर, ॲड. बबनराव लडकत, अविनाश झेंडे, अतुल जाधव, युवराज जाधवराव, विठ्ठल जाधवराव, मोहन जाधव, रमाकांत काळे, रेवणनाथ जाधव, नाना पाटील, नामदेव झेंडे, परशुराम राऊत, रोहिदास तळेकर, दादा राऊत, रोहिणी राऊत, अशोक कुंभार, सामाजिक कार्यकर्ते अजित गोळे आदी उपस्थित होते.
माजी सैनिक व माजी कृषी राज्यमंत्री दादासाहेब जाधवराव व बाबाराजे जाधवराव यांच्या मार्गदर्शनाखाली शासनाचा भरीव निधी आणून गावचा सर्वांगीण विकास करणार असल्याचे राऊत यांनी सांगितले. गणपत शितकल यांनी प्रास्ताविक; तर रामभाऊ झेंडे यांनी सूत्रसंचालन केले. माजी सरपंच गुलाब झेंडे यांनी आभार मानले.