सासवड शहर, ता. ४ : पिंपळे (ता. पुरंदर) येथे घरातून तब्बल ५ लाख १० हजाराच्या दागिन्यांची चोरी झाल्याची घटना घडली आहे. याबाबत शांता शंकर बिरामणे (वय ६२, रा. पिंपळे ता. पुरंदर) यांनी सासवड पोलिस ठाण्यात फिर्याद दाखल केली आहे.
सासवड पोलिसांनी दिलेल्या माहितीनुसार, फिर्यादी या घरी नसताना बुधवारी (ता. ३) सकाळी साडेनऊच्या सुमारास त्यांना फोनवरून माहिती मिळाली की, त्यांच्या घराच्या दरवाजाचा कोयंडा तुटलेला आहे. त्यानंतर त्यांनी घरी येऊन घरातील कपाटाची पाहणी केली असता कपाटातील दागिने चोरी गेल्याचे लक्षात आले. यामध्ये एकूण पाच लाख १० हजार रुपये किमतीचे सोन्याचे दागिने अज्ञात चोरट्यांनी चोरून नेल्याची घटना घडली आहे. या घटनेची पुढील तपास सासवडचे पोलिस निरीक्षक ऋषिकेश अधिकारी यांच्या मार्गदर्शनाखाली सुरू आहे.