सासवड शहर, ता. ९ : पुरंदर तालुक्यातील ग्रामपंचायत निवडणुकीसाठी सरपंचपदांची आरक्षण सोडत शुक्रवारी (ता. ११) दुपारी १२ वाजता होणार आहे. ही आरक्षण सोडत सासवड नगरपरिषदेच्या आचार्य अत्रे सभागृहात आयोजित केली आहे. त्यासाठी ग्रामस्थांनी वेळेत उपस्थित राहण्याचे आवाहन पुरंदरचे तहसीलदार विक्रम राजपूत यांनी केले.
सन २०२५ ते सन २०३० करिता पुणे जिल्ह्यातील बिगर अनुसूचित क्षेत्रामधील ग्रामपंचायतीतील सरपंचपदे अनुसूचित जाती, अनुसूचित जमाती, नागरिकांचा मागास प्रवर्ग व स्त्रियांसाठी आरक्षित करण्याबाबत जिल्हाधिकाऱ्यांनी कळविलेले आहे. त्या अनुषंगाने ११ जुलै रोजी दुपारी १२ वाजता सासवड नगरपरिषदेच्या आचार्य अत्रे सभागृहात सरपंचपदाचे आरक्षण सोडत काढण्यात येणार असल्याची माहिती तहसीलदार राजपूत यांनी दिली.