सासवड शहर, २७ : गणेश स्थापनेच्या मिरवणुकीत सासवड (ता. पुरंदर) येथील गुरुकुल अकॅडमीच्या विद्यार्थ्यांनी नगरपालिकेपुढे विद्यार्थ्यांनी "हुंडाबंदी" ही नाटिका सादर करत समाजाला हुंडाबंदीचा संदेश दिला. तसेच हुंडाबंदी झालीच पाहिजे."हुंडाबंदी थांबवा, स्त्रियांचा सन्मान करा हुंडाबंदीला विरोध झालाच पाहिजे, अशा घोषणा देण्यात आल्या. यावेळी माजी आमदार संजय जगताप, सुधाकर गिरमे,मनोहर ताथवडकर, गणपत शितकल,दत्ता सूर्यवंशी, श्री हनुमान भजनी मंडळ सेवाभावी संस्थेचे सर्व सदस्य तसेच तुषार जगताप, विठ्ठल जगताप, विठ्ठल सुरवसे, राजाभाऊ शिंदे, राजाभाऊ भैरवकर, ज्ञानेश्वर कामठे, धनाजी भांडवलकर, साक्षी खैरे, ऐश्वर्या भुजबळ, प्रीती विभूते उपस्थित होते. शिक्षणाबरोबर विद्यार्थ्यांना सामान्य ज्ञान मिळाले पाहिजे या उद्देशाने गुरुकुल अकॅडमीत गणेश स्थापना करण्यात येत असून १० दिवस यानिमित्ताने विविध कार्यक्रमांचे आयोजन करण्यात आले असल्याचे प्राचार्य संदीप टिळेकर यांनी नमूद केले.