गराडे, ता. २९ : मुख्यमंत्री समृद्ध पंचायत राज अभियान या उपक्रमात भाग घेतलेल्या गुरोळी (ता. पुरंदर) गावाला जिल्हा परिषदचे उपमुख्य कार्यकारी अधिकारी श्रीकांत खरात यांनी भेट दिली. यावेळी अभियानाबद्दल पूर्ण माहिती, विकास कामाची अंमलबजावणीवर चर्चा केली. तसेच, ग्रामपंचायतीला यशस्वी होण्यासाठी मार्गदर्शन केले.
यावेळी पीएमएवाय अंतर्गत पूर्ण झालेल्या घरकुल लाभार्थ्याचा घरकुल गृहप्रवेश कार्यक्रम फीत कापून कार्यकारी अधिकारी खरात यांच्या हस्ते करण्यात आले. याप्रसंगी पंचायत समितीचे गटविकास अधिकारी व संपर्क अधिकारी प्रणोती श्रीश्रीमाळ, पंचायत समिती विस्तार अधिकारी सागर कांबळे, ग्रामविकास अधिकारी नीलम धाऊत्रे, ग्रामपंचायत सरपंच रेणुका खेडेकर, माजी सरपंच हिरामण खेडेकर, रामचंद्र खेडेकर, मोहिनी खेडेकर, माजी उपसरपंच मधुकर खेडेकर, सुरेश भोसले, दत्तात्रेय खेडेकर व ग्रामस्थ उपस्थित होते.