गराडे, ता. २ : चांबळी (ता. पुरंदर) येथील पाणंद नंबर दोन रस्त्याची अवस्था बिकट झाली आहे. हा रस्ता सिमेंट काँक्रीटचा होणे गरजेचे आहे. पावसाळ्याच्या दिवसात या रस्त्यावर जाताना मोठी कसरत करावी लागते.
यासंदर्भात मुख्यमंत्री देवेंद्र फडणवीस यांना पत्रव्यवहार करण्यात आला असून आमदार विजय शिवतारे यांनी या रस्त्यासाठी १५ लाख रुपये निधी जाहीर केला आहे. या अगोदर जिल्हा परिषदेचे माजी बांधकाम सभापती प्रमोद काकडे यांच्या माध्यमातून दहा लाख रुपयांचा निधी खडीकरणासाठी जाहीर केला होता. मात्र, त्यानंतर कसलाच निधी या पाणंद रस्त्यासाठी न मिळाल्यामुळे आज रस्त्याची मोठी दुरावस्था झाली आहे. चिल्लावळेवस्ती, कणसेवस्ती, टाकदरा, गणेशनगर येथील लोक रोज या रस्त्याने ये - जा करीत असतात. हा रस्ता सिमेंट काँक्रिटचा होणे गरजेचा आहे. त्यामुळे या रस्त्यावर तातडीने आणखी निधी मिळावा, अशी मागणी नीरा बाजार समितीचे संचालक वामन कामठे, माजी उपसरपंच संजय कामठे, ग्रामपंचायत कर्मचारी संघटनेचे जिल्हा अध्यक्ष मारुती कामठे, माजी उपसरपंच पोपट शेंडकर, उद्योजक शहाजी कामठे, माजी तंटामुक्ती समितीचे अध्यक्ष भाऊसाहेब कामठे यांनी केली आहे.