इंदापूर, ता. ३ : इंदापूरचे माजी उपनगराध्यक्ष कै. कन्हैयालाल शहा व कै. नवनितलालजी शहा यांच्या सामाजिक कार्याचा वसा पुढे चालवत कै. श्री. कन्हैयालाल जी. शहा चॅरिटेबल ट्रस्टच्या माध्यमातून ट्रस्टचे उपाध्यक्ष वृंदावन शहा यांच्या मार्गदर्शनाखाली इंदापूर येथे संत तुकाराम महाराज पालखी सोहळ्यात अन्नदान करत वैष्णवांची सेवा करण्यात आली. यावेळी ट्रस्टचे अध्यक्ष मुकुंद शहा, विश्वस्त प्रमोद शहा, नितीन शहा, अमोल शहा, अनुज शहा, सोनिश शहा व मे. लिलाचंद दलुचंद शहा पेढीतील कर्मचारी उपस्थित होते. या अन्नदान उपक्रमाचा वैष्णवांनी मोठ्या संख्येने लाभ घेतला.