इंदापूर, ता. १९ : इंदापूर तालुक्यातील शेटफळ हवेली येथे शासकीय जागेतील झाडे तोडल्याने एकावर इंदापूर पोलिस ठाणे येथे गुन्हा दाखल केला आहे. भरत विठ्ठल शिंदे असे गुन्हा दाखल झालेल्या व्यक्तीचे नाव आहेत.
याबाबत रवींद्र विलास गेंड (कालवा निरीक्षक, रा. शेटफळ हवेली, ता. इंदापूर) यांनी दिलेल्या फिर्यादीनुसार शेटफळ हवेली हद्दीतील शासकीय जागेतील पन्नास वर्षे जुने वडाचे व चिंचेचे अंदाजे चाळीस हजार रुपये किमतीची दोन झाडे शिंदे याने स्वतःच्या आर्थिक फायद्याकरीता संमतीशिवाय तोडून चोरी करून घेऊन गेल्याने त्यांच्याविरुद्ध गुन्हा दाखल करण्यात आला आहे. या प्रकरणाचा पुढील तपास पोलिस निरीक्षक सूर्यकांत कोकणे यांच्या मार्गदर्शनाखाली सहाय्यक पोलिस फौजदार प्रकाश माने करत आहेत.