इंदापूर, ता. १३ ः बीड येथे शुक्रवारी (ता. १७) होणाऱ्या ओबीसी समाजाच्या एल्गार मेळाव्यासाठी इंदापूर शहर व तालुक्यातून हजारो बांधव सहभागी होणार असल्याचा ठराव इंदापूर येथे ओबीसी समाजाच्या बैठकीत करण्यात आला. येथील संत सावतामाळी मंदिर येथे ओबीसी बांधवांच्या बैठकीचे आयोजन केले होते. यावेळी बापूसाहेब भुजबळ, पांडुरंग शिंदे, रमेश शिंदे, बाबजी भोंग, तानाजी धोत्रे, विकास शिंदे, अक्षय शिंदे यांनी मनोगत व्यक्त करत एल्गार मेळाव्यास मोठ्या संख्येने उपस्थित राहण्याचे आवाहन केले. दरम्यान, या ओबीसी एल्गार मेळाव्याचे आयोजन मंत्री छगन भुजबळ यांच्या मार्गदर्शनाखाली होणार आहे. या मेळाव्यासाठी राज्यभर ओबीसी बांधवांकडून पूर्वतयारी करण्यात येत आहे. याच पार्श्वभूमीवर इंदापूर येथे ओबीसी बांधवांमार्फत नियोजन बैठक आयोजित केली होती. यावेळी युसुफभाई बागवान, हनीफ कुरेशी, राजू गार्डे, शिवाजी सातव, प्रकाश पवार, पंकज राऊत, मयूर शिंदे, सचिन शिंदे, विशाल राऊत, गोविंद बोराटे, गणेश राऊत, अमोल राऊत, नवनाथ शिंदे, बापू शिंदे, मोहन शिंदे मोठ्या संख्येने ओबीसी समाज बांधव उपस्थित होते.