इंदापूर, ता. २५ : रुबी हॉल क्लिनिक पुणे यांच्या वतीने पुणे जिल्ह्यातील इंदापूर येथे गुरुवारी (ता. २६) हृदयरुग्णांसाठी मोफत तपासणी शिबिराचे आयोजन केले आहे.
या शिबिरामध्ये इंदापूर येथील रुबी मेडिकल सर्व्हिसेसमध्ये सकाळी ११ ते दुपारी १ या वेळेत तपासणी शिबिर होणार आहे. या शिबिरात पुणे येथील रुबी हॉल क्लिनिकचे हृदयरोगतज्ज्ञ रुग्णांची तपासणी करणार आहेत. छातीत दुखणे, दम लागणे, अस्वस्थ होणे, घाम येणे, गुदमरणे, तसेच रक्तातील साखरेचे प्रमाण कमी किंवा जास्त असणे आदी लक्षणे असलेल्यांनी या सेवेचा लाभ घ्यावा, असे आवाहन रुबी हॉल क्लिनिकचे वरिष्ठ व्यवस्थापक संतोष दसासे, तसेच इंदापूर येथील रुबी मेडिकल सर्व्हिसेसचे व्यवस्थापक ज्ञानदेव शेंडे यांनी केले.