इंदापूर, ता. ९ : शहरातील पुणे-सोलापूर मार्गावरील बाह्यवळण मार्गावर दोन दुचाकींचा अपघातात एकाचा मृत्यू झाला. याबाबत अधिक माहिती अशी की, इंदापूरच्या बाह्य वळणावर शिंदे वस्ती जवळ शुक्रवारी (ता. ९) दुपारी दुचाकी (क्र. एमएच ४५ एए ६६२६) व दुचाकी (क्र. एमएच ४५ एपी ५७१२) या दोघांची समोरासमोर जोरदार धडक झाली. यामध्ये मिळालेल्या प्राथमिक माहिती नुसार महेश पाटोळे (रा.अवसरी) यांचा जागीच मृत्यू झाला असून, दुसऱ्या मोटारसायकल वरील राहुल भोसले (रा.रुई, ता.माढा) हे गंभीर जखमी झाले आहेत. अपघाताची माहिती मिळताच इंदापूर पोलिस घटनास्थळी दाखल होत अपघातग्रस्त वाहने बाजूला घेत वाहतूक सुरळीत केली. यावेळी स्थानिक नागरिक, पोलिस यांनी मदत कार्यात सहभाग घेतला. दरम्यान, रात्री उशिरापर्यंत इंदापूर पोलिस ठाण्यात अधिकृत माहिती विचारली असता माहिती उपलब्ध होऊ शकली नाही.