इंदापूर, ता. २२ : भिगवण (ता. इंदापूर) येथे घडलेल्या घटनेच्या निषेधार्थ सोमवारी (ता. २३) सकल हिंदू समाज इंदापूर तालुका यांच्या वतीने ‘इंदापूर तालुका बंद’ची हाक देण्यात आली आहे.
याबाबत देण्यात आलेल्या निवेदनात म्हटले आहे की, १७ फेब्रुवारी रोजी भिगवण येथे घडलेल्या एका प्रकरणानंतर समाजात तीव्र भावना व्यक्त होत आहेत. संबंधित घटनेतील आरोपींवर कठोर कारवाई करण्यात यावी, तसेच भविष्यात अशा प्रकारच्या घटना घडू नयेत, यासाठी प्रतिबंधात्मक उपाययोजना कराव्यात, अशी मागणी करण्यात आली आहे. यासह संबंधित घटनेतील आरोपींवर कठोर कारवाई करावी. तालुक्यात कायदा व सुव्यवस्था अबाधित राहण्यासाठी प्रशासनाने ठोस पावले उचलावीत. या मागण्यांकडे शासनाने तातडीने लक्ष द्यावे, अन्यथा तीव्र आंदोलनाचा इशारा देण्यात आला आहे.